Murang Pizza mula sa Poblacion Ardiente!

Sa unang tingin parang pangkaraniwang pizza lamang, hindi perpekto ang hugis, walang magandang packaging na kagaya ng mga pizza na nabibili natin sa mga sikat na pizza restaurants dito sa ating bansa. Pero kagaya nga ng kasabihang “don’t judge a book by its cover”, hindi sa anyo ng pizza nasusukat ang tunay na lasa dahil ang pizza na ito ay hindi basta-basta, once na iyong matikman ay talaga namang garantisadong iyong uulit-ulitin dahil napakasarap. Anong sikreto? Ang freshly baked dough nito!

Kamakailan lamang ay aking binisita at tinikman ang ma-ipagmamalaking pizza sa bayan ng Magdalena, Laguna (na kung saan nagaganap ang shooting ng Wildflower TV series ng ABS-CBN). Noong una, hindi ko inakala na may isang pizzeria sa Magdalena, Laguna na nag-luluto ng pizza na tunay na maikukumpara ang lasa sa mga pizza ng Shakeys, Pizza hut at S&R. Hindi lang lasa ng pizza ang nakapukaw sa aking atensyon kundi pati na rin ang presyo nito dahil sobrang affordable. Bilang isang indibidiwal na may layuning i-promote ang lokal na industriya sa Laguna aking inusisa ang man behind the scene, si Kuya Noel, ang may-ari ng Miynandre' Pizzeria.

“Bakit po ang mura ng presyo ng pizza niyo?” tanong ko sa owner ng pizzeria, “Ang intension ko talaga dito sa paggawa ng pizza ay ma-share sa mga kababayan ko ang lasa ng tunay na pizza. Especially sa mga kababayan ko na kapos sa buhay. I want them na ma-experience din nila iyong na-eexperience ng may kaya sa buhay. Iyon bang matikman din nila ang iba’t ibang flavor ng pizza sa murang halaga. May mga nakikita kasi ako na bumibili ng pizza dito, iyon bang tinapay na nilagyan ng hotdog at catsup pagkatapos ay halos isandaang piso rin ang sisingilin sa kanila. Naisip ko na, why not share the true taste? Gusto ko na in my small deeds, mapasaya ko ang mga tao by offering delicious pizza to our customers at a great price, and made with great passion.” Ito ang sagot ni Kuya Noel. “Layunin ko ring makilala ang aming bayan sa pamamagitan ng paggawa ng pizza na abot kaya ang halaga ngunit world class naman ang kalidad!”

Sa halagang PhP 155-200, maaari mo nang matikman ang iba’t ibang pizza flavors kagaya ng Pepperoni, Margherita, Cheezy garlic, Veggie, Spicy veggie, Triple chiz at Meat-feast. Hayaan niyong tunghayan ang ilang larawan ng pizza na aking natikman nitong nakaraang Feb. 3, 2018. 

1. Triple Chiz Pizza

 Ang pinaka-favorite ko ay ang Triple Chiz pizza. Ito ay mayroong double dose ng cheddar cheese, cream cheese at mozzarella cheese. Ang isang box (8 slices) ay nagkakahalaga ng PhP 180.  

Triple Chiz

 2. Cheesy Garlic

Features a creamy garlic Parmesan. Made of fresh garlic! Mozzarella! Olive oil! Freshly baked dough for only PhP 155 (8 slices).

Cheezy garlic

 3. Veggie

The best vegan pizza topped with fresh green pepper, onion, mushroom and black olives for only PhP 165 (8 slices).

Veggie

4. Margherita

Made with tomato sauce, mozzarella, fresh basil and extra virgin olive oil for only PhP 160 (8 slices). 

Margherita

5. Combo Nation

Combines two choices of pizza in one for only PhP 200!

Combo nation (Triple chiz and Margherita)

Tunay nga namang napakasarap ng kanilang pizza! Kaya po muli ko kayong hinihiyakat na suportahan ang lokal na food industry sa bayan ng Magdalena!

Yummy food tasting with yours truly

Thank you Kuya Noel for allowing me to taste your one of a kind pizza! 

Si Kuya Noel (left), The 20 year old oven (center), Santy (right)

Here's their menu for additional information!

FYI

-Ang Miynandre' Pizzeria ay nagsimula sa pizza party na lingguhang ginagawa ni Kuya Noel at ng kanyang batchmates in school. Isang kaibigan ang nag-udyok sa kanya na gawing small business ang paggawa nila ng pizza.
-Hindi rin madali ang pinagdaanan ng pizzeria na ito. Sabi nga ni Kuya Noel "Alam mo ba na muntik na akong maggive-up, may isang customer lang ako na umo-order almost everyday for 2 months kaya hindi ko ma-itigil. Sya rin yung nakuhanan ko ng idea ng combo kasi masyadong low budget na daw sya."

-Ang Miynandre’ ay pangalan ng kanyang bunsong anak. Their small business officially started on July 25, 2017.

-Lahat ng kanyang skills when it comes to making pizza ay sariling aral lamang mula sa videos on Youtube. Ang flavors naman o ang paggawa ng sauce ay natutunan niya sa kanyang kaibigan na Chef sa barko.

-Si Kuya Noel ay graduate ng Fine arts sa UST, kaya bilang isang artist, passion niya talaga ang mag-share ng kakaibang experience sa mga tao. Pabiro pa niyang sinabi sa akin na ang kanyang pizza ay artisan pizza! 
-Sa kasalukuyan, ang pizzeria ay for delivery and pick-up only. No dine in yet! Kaya kung nais niyong matikman ang kanilang pizza, dumayo ka na dito sa bayan ng Magdalena! For additional details, kindly visit their Facebook page: https://www.facebook.com/miynandrepizzeria/

 

How to get there:

From Manila:

Private vehicle:

Take the National Highway from Sta. Cruz and turn right to San Luis Road/Pagsanjan-Magdalena Road (Sambat)

Public Transport: 

Ride a bus from Cubao(HM or DLTB Bus Terminal) or Buendia-Taft (DLTB Co/Greenstar/Jac Liner Terminal) going to Sta. Cruz, Laguna and then take the jeepney to Magdalena.

Fare: Cubao to Sta.Cruz is PhP 140/head
Sta.Cruz to Magdalena is PhP18/head

White Water Rafting in Magdalena, Laguna

                Adrenaline rush ba ang hanap mo? Want to go for whitewater rafting adventure but don’t have time to visit Cagayan de Oro? Huwag kang mag-alala, may alternatibo tayo sa Laguna! Nakarating ka na ba sa Magdalena, it’s just a 3 hour drive from the heart of Manila? Salamat sa long weekend at nagkaroon ako ng panahon na maranasan ang isa sa mga ipinagmamalaki sa bayan ng Magdalena, Laguna. Tara! Samahan mo akong muli sa Laguna Adventure with my family. Discover Magdalena-The little Hollywood of Laguna!

                Ito ang una kong whitewater rafting adventure at salamat na lamang dahil ang river difficulty is Grade 3 na highly recommended sa mga beginners na tulad namin. Nagsimula ang tour sa orientation and I think ito ang unang pinakamahalaga dahil dito nila ipinakilala kung ano nga ba ang mayroon sa bayan ng Magdalena, Laguna at dito rin nila ipinaalala sa amin ang mga do’s and don’ts na kailangang sundin upang maging ligtas ang bawat isa sa rafting adventure na ito.  Pagkatapos ng briefing, inihatid na kami sa rafting area na nagsimula sa Majayjay patungong Magdalena River Dam! The Magdalena River rafting is a 7 kilometer thrilling experience and it took us 2 hours to finish the course.

 Heto ang mga kapana-panabik na tagpo sa aming unang Whitewater Rafting Experience!

1. Orientation

Sa orientation pa lamang, napaka-cool na ng mga staff, very accommodating ang mga staff nila lalo na ang tour organizer namin na si Tito Raf. Ipinaramdam niya sa amin ang napakainit na pagtanggap sa kanilang bayan. Iyon naman ang mahalaga ang maramdaman mo na sa unang pagtapak mo pa lamang sa lugar ay tila ba kabahagi ka na nito.

2. Starting Point

Paalala:  Medyo madulas ang pababa papunta sa starting point, kaya kailangan na ang suot mong tsinelas o sandalyas ay matibay at hindi madulas.

3. The Rafting Proper

Una sa lahat kailangan kang makipagtulungan sa mga river guide para mapadali ang pagsagwan! If the water is calm, magsagwan ka, pero kapag may rapids na, hayaan mo muna sila.

 Dalawa ang river guides namin at sobrang nagpapasalamat kami sa kanila dahil ramdam namin ang pag-alalay nila sa aming lahat at sinigurado nila na ma-eenjoy namin ang rafting adventure na ito. “Kudos to Pong and Jess, saludo ako sa inyo.”

Sagwan, bounce, tawa, kaba, ala-ala, mga salitang makakapaglarawan sa mga nangyari sa dalawang oras na rafting na ito.

Luntiang tanawin, iba’t ibang uri ng ibon, kabayo, baka, aso, mga kababaihang naglalaba sa ilog, tumatakbong bayawak sa ibabaw ng tubig, mga mangingisda, waterfalls, Little Palawan, Hanging bridge, mga malalaking bato at galit na galit na water current, ilan lamang sa mga ‘di malilimutang scenario…

4. Other things to do aside from Rafting

a. Cliff diving

Kung malakas ang loob mo na tumalon sa may tinatayang 16 feet na lalim na tubig, subukan mo, pero ako, hindi ko sinubukan at hinayaan ko na lang ang aking mga kasama na sumubok nito.

b. Water Tubing

Isa sa mga ‘di ko ring makakalimutang activity; napakasaya na magpaikot-ikot kasama ng timbulan na ito.

c. Swimming

Malamig ang tubig dito at talaga namang napakasarap magtampisaw, ingat lang at baka madala ka ng agos!

d. Plaza Tour

If you have free time, don’t forget to visit the Saint Magdalene Parish Church, the Walk of Fame and take some photos.

Remember that Magdalena is the Little Holywood in Laguna! Bakit kamo? Dahil ang bayang ito ay isa sa mga Pinakapaboritong Spot for Shooting! Sa katunayan ito nga ang Movie Capital of the Philippines.  

5. Want to avail the Package?

This adventure is made possible with the help of Mhollywood Adventure Camp. Rafting Plus (Barkada) Package is PhP 999/head, inclusive of jeepney transportation from Magdalena Town Proper to Rafting Area and Back, rafting gears/river guides, rubber boat,  minimum of six (6) person per trip, max  is 8 pax.

Visit their FB Page: Magdalena White Water River Rafting Adventure or search for Tito Raf on Facebook

Contact number: Smart (0928-258-5554) and TM (0936-405-8302)

6. How to get there?

Private vehicle:

Take the National Highway from Sta. Cruz and turn right to San Luis Road/Pagsanjan-Magdalena Road (Sambat)

Public Transport: 

Ride a bus from Cubao(HM or DLTB Bus Terminal) or Buendia-Taft  (DLTB Co/Greenstar/Jac Liner Terminal) going to Sta. Cruz, Laguna and then take the jeepney to Magdalena.

Fare: Cubao to Sta.Cruz is PhP 148/head

                Sta.Cruz to Magdalena is PhP18/head

7. Pahabol

What to bring or wear?

-Sunblock

-off lotion

-wear shorts, shirts, swimming attire! slippers or sandals

-plastic bags for wet things

-your Camera of course!

Discover Whitewater rafting in Magdalena, Laguna

Definitely safe…

Definitely 100% Pinoy

Discover Magdalena, Laguna

It’s more fun in Laguna!