Valentine's day o single awareness day?

Habang sinusulat ko ang artikulong ito ay abot tenga ang ngiti ko at kilig na kilig sa bagong “Kwentong Jollibee” videos na pinamagatang “Signs”,”Homecoming” at “Status”. Lahat ng ito ay akmang akma sa buwan ng pag-ibig. Iba talaga ang mga video ng Jollibee ano? Tagos sa puso at ika nga relate much ang mga taong pinagdaanan ang lahat ng ito.

1. Signs

Maraming tao ang naniniwala sa signs pagdating sa pag-ibig. Inaamin ko na may time rin sa aking buhay na naniwala ako sa signs lalo na noong teenager pa ako. Nakakatawang ala-alahanin iyong mga time na iyon. Iyong mga tipong ganito,

“Sige, kapag may nakita kang naka-blue striped T-shirt, iyon na ang forever ko!”

May makikita nga kami na ganoon ang suot pero ang masaklap, may kasama ng iba o kaya may edad na.

May time rin na kapag nasamid naman while eating, sasabihin ng mga friends, “Oh may nakaalala sa iyo, iyon na ang forever mo, magbigay ka ng number”, then magbibigay ka naman like number 10, magbibilang naman sila, oh letter J ang may gusto sa iyo.” Then sasabihin nila iyong kilala nila na starts with letter J ang name and will declare na iyon na nga ang forever mo.

Kung ganoon lang sana kadali ang lahat ano? Pero hindi.

Mahirap umasa sa signs kasi madalas iyong mga sign na sinasabi natin eh hindi naman talaga leading into the right person or iyong “the one”. Kagaya ng girl sa video, kitang kita naman na umasa siya. Iyon kasi ang malungkot doon, akala mo siya na, akala mo gusto ka rin niya, akala mo special ka pero akala mo lang pala. Kasi you assumed so much, nag-feeling at nag-expect kaya nasaktan. Akala mo kasi sparks na pero hindi pala.

Sa mga single na kagaya ko, huwag mag-alala, bawat isa sa atin ay may nakatakdang magmamahal. Hindi kailangang hanapin ito sa pamamagitan ng sign. Dahil ito ay kusang darating sa tamang panahon. Malay mo di ba? Iyong taong magiging “The One” ay matagal mo na palang kilala o kasama, hindi mo lang napapansin kasi masyado kang naka-focus sa mga signs mo.

Hintay-hintay ka lang. Because love is truly patient. As 1 Corinthians 13:4-7 says, 

4 Love is patient and kind; love does not envy or boast; it is not arrogant 5 or rude. It does not insist on its own way; it is not irritable or resentful; 6 it does not rejoice at wrongdoing, but rejoices with the truth. 7 Love bears all things, believes all things, hopes all things, endures all things.

2. Homecoming

Dito naman sa video na ito, I realized na pwede pa rin talagang mabaling ang atensyon ng isang nasa “In a relationship” sa iba lalo na kapag iyong current boyfriend/girlfriend ay wala ng time or hindi na napapahalagahan ang kanyang partner. Kaya sa mga may boyfriend or girlfriend diyan na super busy, please make time naman sa inyong minamahal. Baka magulat na lang kayo isang araw eh ibang lalaki/babae na pala ang nagpapatibok sa mga puso ng mahal niyo.

3. Status

Madalas lalo na sa Facebook kapag may status na may kinalaman sa new relationship ng isang friend katulad ng “In a relationship, Got engaged, Married to” ay sobrang nagdiriwang ang buong Facebook world. Eh paano kung matagal ka ng single at nakabasa ka ng ganito? Magiging bitter ka ba? Mapapasabi ka ba ng “Mabuti pa sila” or “Ang panget naman nito, nagka-boyfriend/girlfriend pa!” Bitter lang te?

Sabi nga sa video, “Kahit walang love life, may love ka sa life”. Sa mga taong single at malapit or lampas na sa kalendaryo ang edad, many will pressure us na maghanap na ng kapareha or mag-asawa na. Many will ask naman kung bakit wala pa ring lovelife or kung masaya ba kahit walang lovelife. Minsan nakakasawa na ring sumagot ng tanong nila. Minsan naman kung depressed ka may time na mapapatanong ka na lang din kung bakit ka pa rin single or kung may problema ba sa ugali or itsura mo kaya wala ka pa ring partner. Pero iyon nga, hindi naman natin kailangan ng love life para masabing may love sa ating life, kasi maraming nagmamahal sa atin, hindi tayo nag-iisa. Nandiyan ang family mo, churchmate or bestfriend who can be a source of love. Lalo’t higit nandiyan si God. Di ba God is love? Ang pinakamalupit na love ay nagmumula sa Kanya, 

John 3:16  For God so loved the world, that he gave his only Son, that whoever believes in him should not perish but have eternal life. 

So kahit single ka man ngayong Valentine’s day eh huwag maging bitter kasi you can still be happy even without love life. Kung matagal ka ng “Single”, eh dapat magdiwang ka kasi you have many time to explore the world, to know yourself, love  yourself, to spend time with your family. Ika nga, be the right one first before yearning for the right one. Remember, we don’t look for love, kusa itong darating.

Para sa mga kagaya ko na walang date ngayong darating na Feb. 14, heto ang ilang mga pwede nating gawin.

1. Huwag malungkot kung walang matatanggap na bulaklak or chocolate. Huwag ding maiinggit sa mga nagde-date. Isipin mo na lang na iyong future partner mo ay same lang kayo ng pinagdadaanan. Be positive pa rin na maeexperience mo iyon sa tamang panahon.

2. Gumawa ng group date for all single friends. Kayo-kayo na ang magbigayan ng bulaklak or chocolate. It’s a good time na rin para makapagbonding. Pwedeng in the form of staycation, beach party, simpleng food trip or KTV or nature tripping. 

3. Huwag ka ng magpatugtog ng emo na love songs kasi lalo ka lang malulungkot. Listen to music na nakakagood vibes lang.

4. Set date for your parents. Mas masaya iyon na makita ang parents mo na magdate sila. Pay for their bill. In that way, nakapagpasaya ka pa. Maging chaperone ka na lang din.

5. Dahil Feb. 14 is a working day, be productive na lang sa work and after work reward yourself with a massage and spa!

Happy Heart’s day everyone! Happy single awareness month.

Murang Pizza mula sa Poblacion Ardiente!

Sa unang tingin parang pangkaraniwang pizza lamang, hindi perpekto ang hugis, walang magandang packaging na kagaya ng mga pizza na nabibili natin sa mga sikat na pizza restaurants dito sa ating bansa. Pero kagaya nga ng kasabihang “don’t judge a book by its cover”, hindi sa anyo ng pizza nasusukat ang tunay na lasa dahil ang pizza na ito ay hindi basta-basta, once na iyong matikman ay talaga namang garantisadong iyong uulit-ulitin dahil napakasarap. Anong sikreto? Ang freshly baked dough nito!

Kamakailan lamang ay aking binisita at tinikman ang ma-ipagmamalaking pizza sa bayan ng Magdalena, Laguna (na kung saan nagaganap ang shooting ng Wildflower TV series ng ABS-CBN). Noong una, hindi ko inakala na may isang pizzeria sa Magdalena, Laguna na nag-luluto ng pizza na tunay na maikukumpara ang lasa sa mga pizza ng Shakeys, Pizza hut at S&R. Hindi lang lasa ng pizza ang nakapukaw sa aking atensyon kundi pati na rin ang presyo nito dahil sobrang affordable. Bilang isang indibidiwal na may layuning i-promote ang lokal na industriya sa Laguna aking inusisa ang man behind the scene, si Kuya Noel, ang may-ari ng Miynandre' Pizzeria.

“Bakit po ang mura ng presyo ng pizza niyo?” tanong ko sa owner ng pizzeria, “Ang intension ko talaga dito sa paggawa ng pizza ay ma-share sa mga kababayan ko ang lasa ng tunay na pizza. Especially sa mga kababayan ko na kapos sa buhay. I want them na ma-experience din nila iyong na-eexperience ng may kaya sa buhay. Iyon bang matikman din nila ang iba’t ibang flavor ng pizza sa murang halaga. May mga nakikita kasi ako na bumibili ng pizza dito, iyon bang tinapay na nilagyan ng hotdog at catsup pagkatapos ay halos isandaang piso rin ang sisingilin sa kanila. Naisip ko na, why not share the true taste? Gusto ko na in my small deeds, mapasaya ko ang mga tao by offering delicious pizza to our customers at a great price, and made with great passion.” Ito ang sagot ni Kuya Noel. “Layunin ko ring makilala ang aming bayan sa pamamagitan ng paggawa ng pizza na abot kaya ang halaga ngunit world class naman ang kalidad!”

Sa halagang PhP 155-200, maaari mo nang matikman ang iba’t ibang pizza flavors kagaya ng Pepperoni, Margherita, Cheezy garlic, Veggie, Spicy veggie, Triple chiz at Meat-feast. Hayaan niyong tunghayan ang ilang larawan ng pizza na aking natikman nitong nakaraang Feb. 3, 2018. 

1. Triple Chiz Pizza

 Ang pinaka-favorite ko ay ang Triple Chiz pizza. Ito ay mayroong double dose ng cheddar cheese, cream cheese at mozzarella cheese. Ang isang box (8 slices) ay nagkakahalaga ng PhP 180.  

Triple Chiz

 2. Cheesy Garlic

Features a creamy garlic Parmesan. Made of fresh garlic! Mozzarella! Olive oil! Freshly baked dough for only PhP 155 (8 slices).

Cheezy garlic

 3. Veggie

The best vegan pizza topped with fresh green pepper, onion, mushroom and black olives for only PhP 165 (8 slices).

Veggie

4. Margherita

Made with tomato sauce, mozzarella, fresh basil and extra virgin olive oil for only PhP 160 (8 slices). 

Margherita

5. Combo Nation

Combines two choices of pizza in one for only PhP 200!

Combo nation (Triple chiz and Margherita)

Tunay nga namang napakasarap ng kanilang pizza! Kaya po muli ko kayong hinihiyakat na suportahan ang lokal na food industry sa bayan ng Magdalena!

Yummy food tasting with yours truly

Thank you Kuya Noel for allowing me to taste your one of a kind pizza! 

Si Kuya Noel (left), The 20 year old oven (center), Santy (right)

Here's their menu for additional information!

FYI

-Ang Miynandre' Pizzeria ay nagsimula sa pizza party na lingguhang ginagawa ni Kuya Noel at ng kanyang batchmates in school. Isang kaibigan ang nag-udyok sa kanya na gawing small business ang paggawa nila ng pizza.
-Hindi rin madali ang pinagdaanan ng pizzeria na ito. Sabi nga ni Kuya Noel "Alam mo ba na muntik na akong maggive-up, may isang customer lang ako na umo-order almost everyday for 2 months kaya hindi ko ma-itigil. Sya rin yung nakuhanan ko ng idea ng combo kasi masyadong low budget na daw sya."

-Ang Miynandre’ ay pangalan ng kanyang bunsong anak. Their small business officially started on July 25, 2017.

-Lahat ng kanyang skills when it comes to making pizza ay sariling aral lamang mula sa videos on Youtube. Ang flavors naman o ang paggawa ng sauce ay natutunan niya sa kanyang kaibigan na Chef sa barko.

-Si Kuya Noel ay graduate ng Fine arts sa UST, kaya bilang isang artist, passion niya talaga ang mag-share ng kakaibang experience sa mga tao. Pabiro pa niyang sinabi sa akin na ang kanyang pizza ay artisan pizza! 
-Sa kasalukuyan, ang pizzeria ay for delivery and pick-up only. No dine in yet! Kaya kung nais niyong matikman ang kanilang pizza, dumayo ka na dito sa bayan ng Magdalena! For additional details, kindly visit their Facebook page: https://www.facebook.com/miynandrepizzeria/

 

How to get there:

From Manila:

Private vehicle:

Take the National Highway from Sta. Cruz and turn right to San Luis Road/Pagsanjan-Magdalena Road (Sambat)

Public Transport: 

Ride a bus from Cubao(HM or DLTB Bus Terminal) or Buendia-Taft (DLTB Co/Greenstar/Jac Liner Terminal) going to Sta. Cruz, Laguna and then take the jeepney to Magdalena.

Fare: Cubao to Sta.Cruz is PhP 140/head
Sta.Cruz to Magdalena is PhP18/head